MINAMAHAL KONG MGA KABABAYAN:

NGAYON PO AY ANG IKA-WALONG ARAW NG IKA-WALONG BUWAN NG IKA-WALONG TAON NG KASALUKUYANG SIGLO.  TRIPLE EIGHT, WIKA NGA.

PARA SA MGA KABABAYAN NATING MAY LAHING CHINO, ITO AY ISANG SWERTENG ARAW (KAYA NGA SA PETSANG ITO ITINAKDA ANG OPENING NG BEIJING OLYMPICS).

PARA NAMAN SA MGA KABABAYAN NATING TUMUTULONG SA GAWAD KALINGA SA PANGUNGUNA NG COUPLES FOR CHRIST GLOBAL OUTREACH, LAHAT NG ARAW NG LAHAT NG BUWAN NG LAHAT NG TAON AY SWERTE AT PINAGPALA.

PSALM 118

MADALAS KONG MARINIG MULA SA BIBIG NG AKING KAIBIGAN AT KAIBIGAN NATING LAHAT NA SI TONY MELOTO ANG GANITO: “THIS IS THE DAY THAT THE LORD HAS MADE”.

IYAN DAW PO, AYON KAY KABAYANG TONY, AY HANGO SA PSALM O SALMO NA MAY NUMERO DING “WALO” O “OTSO”: PSALM 118.  KAYA MARAHIL, ANG PAGTITIPON NATIN DITO SA TAGUIG SA ARAW NA ITO AY TALAGANG ITINAKDA NG MAYKAPAL.

PERO DAGDAG NI KABAYANG TONY, SA TOTOO LANG DAW, “EVERY DAY IS A DAY MADE BY THE LORD”.

NANINIWALA PO AKO DIYAN, AT NATITIYAK KO NA NANINIWALA DIYAN ANG MGA KABABAYAN NATIN DITO SA TAGUIG.

AT ISA SA TANDA NG PAGPAPALANG IYAN AY ANG PAGBIBIGAY SA MGA TAGA-TAGUIG NG ISANG MASIGASIG AT MASIPAG NA PUNONG-BAYAN SA KATAUHAN NI MAYOR FREDDIE TINGA.  ISA RING TUNAY NA KAIBIGAN AT KATUWANG SA TRABAHO.

SI MAYOR TINGA PO AY KUMAKATAWAN SA PABORITONG KASABIHAN NG MGA PILIPINO --- ANG KASABIHANG “WALANG IWANAN”.

“WALANG IWANAN”, DAHIL PATULOY ANG KANYANG PAKIKIISA SA GAWAIN NG GAWAD KALINGA AT SA PAGSISIKAP NG ATING PAMAHALAAN NA BIGYAN NG DISENTENG TAHANAN ANG MAHIHIRAP NATING KABABAYAN.

“WALANG IWANAN”, DAHIL KAHIT NAI-RELOCATE NA NAMIN ANG MGA KABABAYAN NATIN SA TRECE MARTIRES (CAVITE) AT STA. ROSA (LAGUNA) MULA TAGUIG, KASAMA PA DIN NAMIN SI MAYOR TINGA SA PAGDALAW AT PAGTULONG SA KANILA.

MARAMING, MARAMING SALAMAT, MAYOR.

MARAHIL, SA ARAW NA ITO AY BIBINYAGAN KA NAMING SI MAYOR FREDDIE “WALANG IWANAN” TINGA.

AT HUWAG NATING KALILIMUTAN ANG KASABIHAN NATING MGA PILIPINO: ANG OPISYAL DAW NG PAMAHALAAN NA HINDI NANG-IIWAN AY HINDI RIN INIIWANAN NG KANYANG MGA KABABAYAN.

SCALING UP PARTNERSHIP AND UNITY: THE GK WAY

ANG KASABIHANG “WALANG IWANAN” DIN ANG GABAY NG PAGTUTULUNGAN NG GAWAD KALINGA AT NG HOUSING SECTOR NG ATING PAMAHALAAN.  APAT NA TAON NA PO ANG SAMAHANG “WALANG IWANAN” NAMIN NG GAWAD KALINGA.

KAYA NGA PARA MA-GALVANIZE LALO ANG SAMAHANG ITO, PINALABAS NA RIN NAMIN SA HLURB ANG RESOLUTION THAT WOULD ALLOW GAWAD KALINGA AS A MODE OF COMPLIANCE TO THE 20 PERCENT BALANCED HOUSING REQUIREMENT.

AT ANG SAMAHANG “WALANG IWANANG” ITO AY LALO PANG LUMALAGO SA PAGLIPAS NG PANAHON.  SA ATING PAGKAKAISA, NAIBANGON NATIN ANG MARAMI NATING KABABAYANG NAWALAN NG TAHANAN DAHIL SA MGA MALALAKAS NA BAGYO; NATULUNGAN NATING MAGBAGONG MUKHA ANG MGA LUMANG HOUSING SITES NG NATIONAL HOUSING AUTHORITY; AT NATULUNGAN NATING MAGBAGONG BUHAY ANG MGA KABABAYAN NATING NASA MGA RELOCATION SITES DAHIL SILA AY NAGBIGAY DAAN SA NORTHRAIL AT SOUTHRAIL PROJECTS NG ATING PAMAHALAAN.

LUMALAWAK AT LUMALAGO DIN PO ANG ATING SAMAHANG “WALANG IWANAN”.

PARAMI NANG PARAMI ANG MGA INSTITUSYON AT KABABAYAN NATING NAKIKIISA SA GAWAIN NG GAWAD KALINGA.  KASAMA DITO ANG MGA BANTOG NA ARKITEKTO SA ATING BANSA; MGA BUILDING DESIGNERS AT BUILDERS.  TUMUTULONG DIN SA ATIN ANG MGA BANTOG NA PAMANTASAN SA ATING BANSA, PARTIKULAR ANG KANILANG MGA COLLEGES OF ARCHITECTURE, ENGINEERING, AND DESIGN.

KATULONG DIN NATIN ANG IBA’T IBANG GUILDS AT PROFESSIONAL ASSOCIATIONS NA NANGUNGUNA SA LARANGAN NG PAGTATAYO NG MGA BAHAY AT KOMUNIDAD.

DAHIL DITO, HINDI NAKAPAGTATAKA NA LALONG GUMAGANDA ANG MGA DISENYO NG BAHAY NA ITINATAYO NG GAWAD KALINGA.  NGAYON, MAYROON NA RIN TAYONG MGA MEDIUM-RISE HOUSING UNITS --- SALAMAT SA INNOVATIONS AT CREATIVITY NG MARAMI NATING KATULONG SA ATING SAMAHANG “WALANG IWANAN”.

MARAMING, MARAMING SALAMAT PO SA INYONG PAKIKIISA AT PAGTULONG.

MARAMING, MARAMING SALAMAT DIN SA ATING MGA CORPORATE PARTNERS, SA MGA KINATAWAN NG LOCAL AT NATIONAL GOVERNMENTS NA KATULONG NATIN; SA MGA CIVIC ORGANIZATIONS NA NAGLALAAN NG KANILANG PANAHON AT KAKAYAHAN PARA SA ATING GAWAIN; AT SA MGA CARETAKER TEAMS AT MGA RESIDENTE NG ATING MGA GAWAD KALINGA COMMUNITIES.

LAHAT PO TAYO AY NAKIKINABANG SA ATING GINAGAWA.  NAGKAKABAHAY ANG ATING MGA KABABAYANG MAHIHIRAP, SAMANTALANG TAYONG MGA NAGTUTULUNGAN PARA SA KANILA AY NAKIKITA ANG PAGBABAGONG-ANYO NG ATING BANSA.

ITO PO AY TUNAY NA ISANG MISYON NA MAHIRAP IWANAN.

MINSAN AY TINANONG AKO NI KABAYANG TONY KUNG HANGGANG KAILAN DAW AKO MAKIKIISA SA GAWAIN NG GAWAD KALINGA.

ANG SAGOT KO AY GANITO: TONY, AKO AY BISE PRESIDENTE LAMANG HANGGANG 2010.  PAGKATAPOS NG 2010, WALA NA PO AKONG TRABAHO.

KAYA’T AFTER 2010, MAS MARAMI NA AKONG PANAHON PARA MAKIISA SA PAGTATAYO NG MGA TAHANAN AT KOMUNIDAD PARA SA ATING MGA KABABAYAN.

“WALANG IWANAN”, HINDI PO BA?

PAANO MO NGA NAMAN IIWAN ANG ISANG GAWAING MALAKI ANG KABULUHAN SA ATING MGA KABABAYAN.  WALA NA SIGURONG GAWAING MAS MAKAHULUGAN PA KAYSA MABIGYAN NATIN SILA NG TAHANAN, KABUHAYAN, AT KINABUKASAN.
MAHIRAP PONG IWAN ANG GAWAING ITO.  SAPAGKAT ITO AY ISANG MISYON NA BINIGYAN NG INSPIRASYON NG ATING PANGINOON NA SIYANG NAGSABING “AND LO, I WILL ALWAYS BE WITH YOU UNTIL THE END OF TIME”.

SIYA ANG PANGINOONG HINDI NANG-IWAN.

AT ANG TANGING MAIBABALIK NATIN BILANG PASASALAMAT AY ANG HINDI IWANAN ANG GAWAIN NG GAWAD KALINGA.

MARAMING, MARAMING SALAMAT SA INYONG LAHAT.

MAGANDANG GABI SA INYONG LAHAT.